Թալինում սոցիալական աջակցության անվան ներքո ՔՊ-ն լծվել է ընտրողներին «կաշառելու» գործին՝փաստացի չարաշահելով վարչական ռեսուրսը։ «Փաստինֆո»-ն տեղեկանում է, որ Թալինի վառ ՔՊ-ական համայնքապետ Տավրոս Սափեյանը ապրիլի 27-ին ստորագրել է թիվ N 793-Ա որոշումը՝ սոցիալական աջակցություն տրամադրելու վերաբերյալ։ Որոշման համաձայն՝ «ՎԱՐԴԱՆՅԱՆՑ» ՍՊԸ-ին փոխանցվել է 370,000 ՀՀ դրամ, ինչպես նաև՝ ԼԱԵՐՏ ԽԱՉԱՏՐՅԱՆ ԱՁ-ին՝ 30,000՝ՀՀ դրամ՝ շահառուներին սնունդ ձեռք բերելու նպատակով։
Միևնույն ժամանակ 9 անձի սոցիալական աջակցություն է ցուցաբերվել՝ 30,000- 40,000 դրամից մինչև 100,000 դրամի չափով։ Միևնույն ժամանակ փոխանցվել է տարբեր քաղաքացիների սպառած էլեկտրաէներգիայի, ջրի գումարը, ինչպես նաեւ 54,160 դրամի չափով դեղորայքի գումար։
Հատկանշական է, որ համայնքապետը որոշել է սոցիալական աջակցությունը տրամադրել ընտրություններից ընդամենը մեկ ամիս առաջ, երբ արդեն հայտնի է ընտրության օրը, բարեգործության արգելքն էլ գործում է։
—
Մեր կողմից հիշեցնենք, որ խոսքն այն նույն անձնավորության մասին է, ով «աչքի ընկավ» Մայր Աթոռի վրա Փաշինյանի ու ՔՊ-ի հրահրած դեկտեմբերի 18-ի հարձակման ժամանակ: Այդ օրը, հանդիպելով իրենց բազմապատիկ գերազանցող հայ մարդկանց բազմության դիմադրությանը, Թալինի համայնքապետն ու այլ երդվյալ նիկոլականներ առանձնացան անադեկվատ պահվածքով: Կոնկրետ Սափեյանի վերաբերյալ լրատվամիջոցներն արձանագրել էին հայհոյելու, Մայր Տաճարի «պատարին ելնելու» և այլ դրսևորումներ: