Իրանը, Պակիստանի միջոցով, Միացյալ Նահանգներին է ներկայացրել ռազմական գործողությունների մշտական դադարեցման իր ծրագիրը և այժմ սպասում է Վաշինգտոնի պատասխանին։ Այս հայտարարությունն արել է Իսլամական Հանրապետության փոխարտգործնախարար Կազեմ Ղարիբաբադին:
«Իրանը Պակիստանի միջնորդների միջոցով ներկայացրել է ռազմական գործողությունների մշտական դադարեցման իր ծրագիրը, և այժմ գնդակը Միացյալ Նահանգների դաշտում է։ Դիվանագիտության և շարունակական դիմակայության միջև ընտրությունը Վաշինգտոնինն է», – ընդգծել է Ղարիբաբադին, ինչպես հաղորդել է Իրանի պետական հեռուստատեսությունը։ Փոխարտգործնախարարը հավելել է, որ Թեհրանը «պատրաստ է բոլոր հնարավոր սցենարներին» և «շարունակում է անվստահություն հայտնել ամերիկյան կողմին»։