«Դժվար ժամանակներում մեր անտառը մեզ պահել է բառի բուն իմաստով, եկել է ժամանակը, որ մենք պահենք մեր անտառը»,- Էկոպարեկային ծառայության Տավուշի մարզային վարչության գործարկման միջոցառմանը ասել է վարչապետ Նիկոլ Փաշինյանը։
«Անտառը մեր մեծ հարստությունն է, և այն պատկանում է մարդկանց։ Բայց մենք այդ «կապիտալը» ոչ թե պետք է մսխենք, այլ կարողանանք գործածել այնպես, որ գնալով մեծանա, զարգանա»,- ասել է նա՝ նշելով, որ կոմպրոմիս չի կարող լինել, որսագողությանը եւ ծառահատումներին վերջ է պետք տալ։