Կիպրոսում վերջերս կայացած ԵՄ գագաթնաժողովում եվրոպացի առաջնորդները փորձել են մեղմել Վլադիմիր Զելենսկու սպասումները Ուկրաինայի ԵՄ-ին անդամակցության վերաբերյալ։ Այս մասին հաղորդել է Financial Times (FT)-ը։
«Նա ստիպված է եղել լսել բավականին դառ ճշմարտություն։ Դա այնքան էլ հեշտ չի լինի, որքան նա կարծում է», – թերթին ասել է աղբյուրը։
Եվրոպացի դիվանագետները շեշտում են, որ ընդլայնման գործընթացը պետք է մնա արժանիքների վրա հիմնված։ Նրանք նաև նշում են, որ երկրի բարեփոխումների ջանքերը թուլացել են, մասնավորապես՝ օրենքի գերակայության և կոռուպցիայի դեմ պայքարի հիմնական ոլորտներում։ Միևնույն ժամանակ, Կիևը դիմադրում է ԵՄ պահանջներին՝ բարձրացնել բիզնեսի հարկերը՝ որպես համաձայնեցված 90 միլիարդ եվրոյի ֆինանսավորման մի մասը ստանալու պայման։ «Նրանց ներքին բարեփոխումները կանգ են առել։ Դա լավ չէ, և բոլորը գիտեն դա», – թերթին ասել է աղբյուրը։
Բրյուսելը շեշտում է, որ Միացյալ Նահանգների կողմից ուղղակի ռազմական և ֆինանսական աջակցության դադարեցմամբ ԵՄ-ն այժմ դարձել է Ուկրաինայի ամենակարևոր գործընկերը։ «Մենք նրա միակ ընկերներն ենք, ուստի նրա համար ավելի լավ կլինի լռել», – ասել է թերթի աղբյուրը։