Չինաստանը կողմ է Հորմուզի նեղուցի անհապաղ բացմանը և երկու կողմերի համար սահմանափակումների վերացմանը։ Այս մասին հայտարարել է ՄԱԿ-ում Չինաստանի մշտական ներկայացուցիչ Ֆու Կոնգը:
«Չինաստանը կարծում է, որ Հորմուզի նեղուցը պետք է բացվի հնարավորինս շուտ։ Սա վերաբերում է երկու կողմերին էլ. Իրանը պետք է վերացնի նավթի առևտրի սահմանափակումները, իսկ Միացյալ Նահանգները՝ ծովային շրջափակումը», – ասել է դիվանագետը մայիսին Չինաստանի կողմից ՄԱԿ-ի Անվտանգության խորհրդի նախագահությունը ստանձնելու վերաբերյալ ճեպազրույցի ժամանակ։
Նրա խոսքով՝ նեղուցում նավագնացության վերսկսումը կարևոր է համաշխարհային էներգետիկ շուկաների կայունության համար։ Մշտական ներկայացուցիչը ընդգծել է, որ հետագա սրացումը կարող է բացասաբար անդրադառնալ համաշխարհային տնտեսության վրա։