ԱՄՆ նախագահ Դոնալդ Թրամփը վերջնաժամկետի առջև է. կա՛մ ավարտելու Իրանի դեմ պատերազմը, կա՛մ Կոնգրեսին հիմնավորելու դրա երկարաձգումը, գրում է Reuters-ը։
Լրատվամիջոցի դիտարկմամբ, սակայն, ակնկալվում է, որ օրը կանցնի առանց էական զարգացումների, քանի որ հակամարտությունը ռազմական գործողություններից վերածվել է ծովային բեռնափոխադրումների ուղիների փակուղային դիմակայության։
Նշվում է, որ պաերազմի ավարտը թվում է խիստ անհավանական։
Փորձագետները և կոնգրեսականների օգնականները ակնկալում են, որ Թրամփը Կոնգրեսին կտեղեկացնի, որ նախատեսում է պատերազմը 30 օրով երկարաձգել, կամ պարզապես կանտեսի օրենքով սահմանված վերջնաժամկետը։ ԱՄՆ վարչակազմը պնդում է, որ Իրանի հետ գործող հրադադարի հաստատումը նշանակում է հակամարտության ավարտ, գրում է Reuters-ը։
Ընդդիմադիր դեմոկրատները Կոնգրեսին հորդորում են վերահաստատել պատերազմ հայտարարելու իր սահմանադրական իրավունքը, մինչդեռ հանրապետականները մեղադրում են դեմոկրատներին, որ նրանք փորձում են օգտագործել Պատերազմի լիազորությունների մասին օրենքը՝ Թրամփին թուլացնելու համար։
ԱՄՆ-ի և Իսրայելի համատեղ հարվածները Իրանին փետրվարի 28-ին էին մեկնարկել՝ արագորեն տարածվելով Պարսից ծոցի այլ երկրներում, երբ Իրանը պատասխան հարվածներ էր հասցնում ԱՄՆ-ի հետ փոխկապակցվող օբյեկտներին։ Իրանը և Միացյալ Նահանգները ապրիլի 8-ին համաձայնեցին հրադադար հաստատել։