Iravaban.net-ը ուսումնասիրել է Իրավական ակտերի նախագծերի հրապարակման e-draft.am հարթակում հանրային քննարկման ներկայացված՝ Ազգային անվտանգության ծառայության կողմից մշակված «Հայաստանի Հանրապետության կառավարության 2024 թվականի փետրվարի 1-ի N 171-Ն որոշման մեջ փոփոխություն կատարելու մասին» կառավարության որոշման նախագիծը, որով առաջարկվում է Հայաստանի Հանրապետությունում թմրամիջոցների և հոգեմետ (հոգեներգործուն) նյութերի շրջանառության և ապօրինի շրջանառության կանխարգելման միջգերատեսչական հանձնաժողովում ՀՀ ԱԱԾ մասնակցությունն ապահովել ՀՀ ԱԱԾ իրավասու ստորաբաժանման ներկայացուցչի կողմից: Որոշումն ուժի մեջ կմտնի պաշտոնական հրապարակմանը հաջորդող օրվանից։
Ինչո՞վ է պայմանավորված նախագծի ընդունումը
Նախագծի ընդունումը պայմանավորված է Հայաստանի Հանրապետությունում թմրամիջոցների և հոգեմետ (հոգեներգործուն) նյութերի շրջանառության և ապօրինի շրջանառության կանխարգելման միջգերատեսչական հանձնաժողովի կազմում ՀՀ ԱԱԾ ներկայացուցչի պաշտոնի փոփոխման անհրաժեշտությամբ։
Առաջարկվող կարգավորման բնույթը
Մասնավորապես, ՀՀ ԱԱԾ կառուցվածքում 2025 թվականի դեկտեմբերի 30-ին տեղի ունեցած կառուցվածքային փոփոխությունների արդյունքում` թմրամիջոցների ապօրինի շրջանառության դեմ պայքարի իրավասությունը վերապահվել է ՀՀ ԱԱԾ համապատասխան կառուցվածքային ստորաբաժանմանը և անհրաժեշտություն է առաջացել համապատասխան փոփոխություններ կատարել Կառավարության 2024 թվականի N 171-Ն որոշման մեջ։
Նախագծի ընդունումից հետո պետական եկամուտներում և ծախսերում փոփոխություններ չեն առաջանա:
Ի՞նչ արդյունք է ակնկալվում
Նախագծի ընդունման արդյունքում Հայաստանի Հանրապետությունում թմրամիջոցների և հոգեմետ (հոգեներգործուն) նյութերի շրջանառության և ապօրինի շրջանառության կանխարգելման միջգերատեսչական հանձնաժողովում ՀՀ ԱԱԾ մասնակցությունը կապահովվի ՀՀ ԱԱԾ իրավասու ստորաբաժանման ներկայացուցչի կողմից:
Կապը ռազմավարական փաստաթղթերի հետ
Նախագիծը չի հակասում Կառավարության 2026 թվականի հունվարի 8-ի N 16-Լ որոշմամբ հաստատված՝ Հայաստանի տնտեսական և ինստիտուտցիոնալ վերափոխման դոկտրինին։