Պակիստանի վարչապետ Շահբազ Շարիֆը հայտարարել է, որ Մերձավոր Արևելքում «խաղաղության հաստատման ջանքերը շարունակվում են», նույնիսկ այն դեպքում, երբ ԱՄՆ-ի և Իրանի միջև բանակցությունները թվում է, թե հայտնվել են փակուղում։
Իր գրասենյակի տարածած հայտարարության մեջ Շարիֆն ընդգծել է, որ հենց գործադրված հսկայական ջանքերի շնորհիվ է հաջողվել երկարաձգել հրադադարի ռեժիմը, որը դեռևս պահպանվում է։
«Խաղաղությանն ուղղված քայլերը շարունակական են, և դրանցում որևէ նվազում չի լինելու»,- նշել է Պակիստանի կառավարության ղեկավարը՝ վերահաստատելով իր երկրի հանձնառությունը տարածաշրջանային կայունության հարցում։