ԱՄՆ պետքարտուղար Մարկո Ռուբիոն հայտարարել է, որ երբեք կապ չի ունեցել Իրանի արտգործնախարար Աբբաս Արաղչիի հետ։
«Ես երբեք չեմ խոսել Իրանի արտաքին գործերի նախարարի հետ։ Ինչպես ասացի, նա հազվադեպ է խոսում մեր ժողովրդի հետ։ Դրանք հիմնականում անուղղակի զրույցներ են», – ասել է Ռուբիոն Fox News-ին տված հարցազրույցում։
«Վերջին մի քանի շաբաթների ընթացքում եղել են որոշ ուղղակի շփումներ՝ կապված Իսլամաբադում տեղի ունեցած հանդիպումների հետ։ Հիշե՛ք, իրանական համակարգը վաղուց արգելք ունի ամերիկացիների հետ ուղղակի զրույցների վրա:
Սակայն նրանց հետ անմիջական շփումը շատ հազվադեպ է, շատ գաղտնի և տեղի է ունենում միայն նրանց համակարգում գտնվող մեկ կամ երկու մարդու միջոցով», – բացատրել է պետքարտուղարը։