Բռնցքամարտի աշխարհի բաժակի մրցումները կը շարունակուին Պրազիլի Իկուասու քաղաքին մէջ, եւ այսօր առաւօտեան ժամերուն Դաւիթ Չալոյեան 90 քիլոկրամէն վեր կշիռի մրցումներու աւարտականին պիտի մրցի Ազրպէյճանի ներկայացուցիչ Մոհամետ Ապտուլայեւի դէմ:
Թուրք Իլիաս Մուչահեթին յաղթելէ ետք (5-0) քառորդ աւարտականին, Չալոյեան կիսաւարտականին 3-2 արդիւնքով յաղթեց ուզպեք Ժախոնկիր Զոքիրովին:
90 քկ կշիռի մրցումներուն, Նարեկ Մանասեան քառորդ աւարտական հասած, բայց 5-0 արդիւնքով պարտութիւն կրեց պրազիլցի Իջայսու Ֆիլիոյէն:
50 քկ կշիռի մրցումներուն, Ռուտոլֆ Գարբոյեան իր կարգին քառորդ աւարտականին պարտութիւն կրեց Ազրպէյճանի ներկայացուցիչ Սոպհան Մամետովէն եւ դուրս մնաց: