Երևանի քաղաքապետ Տիգրան Ավինյանը սոցցանցի իր էջում հայտնել է, որ Աջափնյակ վարչական շրջանում, Միքայել Միրզոյանի անվան երաժշտական և թիվ 188 հանրակրթական դպրոցների հարակից տարածքում, ընթանում են նոր կենտրոնի՝ «Արև Արենա» բացօթյա համերգասրահի ստեղծման աշխատանքները։
«Բացառիկ այս կառույցի մասնակի վերանորոգման և տեխնիկական վերազինման արդյունքում ձևավորվում է նոր մշակութային հարթակ, որը նախատեսված է՝
- համերգային ծրագրերի,
- ամառային ճամբարների,
- ցուցահանդեսների
- մշակութային-կրթական ժամանցի այլ ծրագրերի իրականացման համար։
«Արև Արենայի» պաշտոնական բացումը նախատեսվում է մայիսի 29-ին՝ Երևանի երաժշտական և արվեստի դպրոցների մրցույթ-փառատոն գալա համերգով»։