Վլադիմիր Զելենսկին հայտարարել է, որ Ռուսաստանի և ԱՄՆ-ի հետ եռակողմ բանակցությունների նոր փուլը կարող է տեղի ունենալ Ադրբեջանում։
Նախկինում Ռուսաստանի նախագահի մամուլի քարտուղար Դմիտրի Պեսկովը հայտարարել էր, որ Ուկրաինայի հարցով եռակողմ բանակցությունների դադարեցումը պայմանավորված է Մերձավոր Արևելքի հարցերով Միացյալ Նահանգների զբաղվածությամբ։
Ինչպես ավելի վաղ նշել էր Պեսկովը, Կրեմլը ակնկալում է, որ Ուկրաինայի հարցով եռակողմ բանակցությունները կվերսկսվեն այն բանից հետո, երբ բոլոր կողմերը, մասնավորապես՝ ամերիկյան կողմը, համաձայնեցնեն ժամանակացույցը։ Ռուսաստան-ԱՄՆ-Ուկրաինա խորհրդակցությունների նախորդ փուլը տեղի է ունեցել Ժնևում փետրվարի 17-18-ին։
«Մենք նման բանակցություններ ենք ունեցել Թուրքիայում և մեր ամերիկացի գործընկերների հետ Շվեյցարիայում։ Մենք պատրաստ ենք նման բանակցություններ անցկացնել Ադրբեջանում», – ասել է Զելենսկին Ադրբեջանի նախագահ Իլհամ Ալիևի հետ մամուլի ասուլիսում։