Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Ապրիլի 20-ի դրությամբ բենզինի համաշխարհային միջին գինը կազմում է 1.49 ԱՄՆ դոլար մեկ լիտրի համար։ Այս մասին հայտնում է Global Petrol Prices-ը։
Սակայն գները զգալիորեն տարբերվում են՝ կախված երկրից։
Որպես կանոն, ավելի հարուստ երկրներում բենզինը թանկ է, մինչդեռ ավելի աղքատ երկրներում և նավթ արդյունահանող ու արտահանող պետություններում գները զգալիորեն ավելի ցածր են։
Նշանավոր բացառություն է ԱՄՆ-ը՝ տնտեսական զարգացած երկիր, որտեղ, այնուամենայնիվ, բենզինի գները համեմատաբար ցածր են։ Երկրների միջև գների տարբերությունները հիմնականում պայմանավորված են բենզինի նկատմամբ կիրառվող հարկերով և պետական սուբսիդիաներով։
Հայաստանում մեկ լիտր բենզինի միջին գինը կազմում է 1.476 դոլար, Վրաստանում՝ 1.324 դոլար, Ադրբեջանում՝ 0.676 դոլար, Թուրքիայում՝ 1.397 դոլար, իսկ Ռուսաստանում՝ 0.813 դոլար։
Ամենաէժան բենզինը վաճառվում է Լիբիայում (0.024 դոլար), Իրանում (0.029 դոլար) և Վենեսուելայում (0.035 դոլար), իսկ ամենաթանկը՝ Հոնկոնգում (4.136 դոլար մեկ լիտրի համար)։
Հետևեք մեզ՝ այստեղ