ՌԴ ԱԳ փոխնախարար Ալեքսանդր Պանկինը հայտնել է, որ Ռուսաստանը հրավեր է ստացել բարձր մակարդակով մասնակցելու ԱՄՆ-ում կայանալիք G20-ի գագաթնաժողովին:
Ռուսաստանի Դաշնության արտաքին գործերի փոխնախարար Ալեքսանդր Պանկինի խոսքով՝ երկիրը ստացել է բարձրագույն մակարդակով մասնակցության հրավեր, սակայն հստակ չէ, թե ով ի վերջո կներկայացնի Ռուսաստանը հանդիպմանը:
«Կա ամենաբարձր մակարդակով ներկա գտնվելու հրավեր, բայց մենք կնայենք ամսաթվին մոտ, Աստված գիտի, թե ինչ տեղի կունենա մինչ այդ»,- ՄԱԿ-ի կենտրոնակայանում տեղի ունեցած մամուլի ասուլիսի ընթացքում նշել է պարոն Պանկինը:
Նախապես G20-ում ՌԴ շերպա Սվետլանա Լուկաշը տեղեկացրել էր, որ ամերիկյան կողմը նախապատրաստվում է միջոցառմանը նախագահ Վլադիմիր Պուտինի հնարավոր այցելությանը:
«Մեծ քսանյակի» առաջնորդների գագաթնաժողովը նախատեսված է դեկտեմբերի 14-15-ին Մայամիում: Սպիտակ տնից հայտնել են, որ նպատակ ունեն վերականգնել կառույցի սկզբնական առաքելությունը՝ նպաստելով համաշխարհային տնտեսության աճին ու բարգավաճմանը: