Իրանի Իսլամական հեղափոխության պահապանների կորպուսի ռազմածովային ուժերը հայտարարել են, որ Հորմուզի նեղուցում առգրավել են երկու նավ։ Այս մասին հայտնում է Al Jazeera-ն։
ԻՀՊԿ ռազմածովային ուժերի փոխանցմամբ՝ Հորմուզի նեղուցում անվտանգության և կարգի խախտումը Իրանի համար համարվում է «կարմիր գիծ»։
Միաժամանակ, UK Maritime Trade Operations-ը հայտնել է, որ ավելի վաղ միջադեպի վերաբերյալ հաղորդում է ստացել։ Ըստ կառույցի՝ կոնտեյներային նավի կապիտանը հայտնել է, որ նավին մոտեցել է Իրանի ԻՀՊԿ-ի արագընթաց նավերից մեկը, որը կրակ է բացել՝ պատճառելով զգալի վնաս նավի կամրջին։
Տեղեկացվում է, որ հրդեհ չի բռնկվել, շրջակա միջավայրի վրա ազդեցություն չի արձանագրվել, իսկ նավի անձնակազմը ապահով է։
Անի Վարդանյան