Ստամբուլի նահանգապետարանը այս տարի կրկին արգելել է ապրիլի 24–ին 1915–ի հետ կապված հիշատակի սգո միջոցառում իրականացնել։
Ինչպես տեղեկացնում է Ստամբուլի հայկական «Ակոսը», նախկինում ամեն տարի ապրիլի 24–ին սգո միջոցառումներ կազմակերպած «Ապրիլի 24–ի հիշատակի պլատֆորմը»–ը հայտնել է, որ այս տարի եւս Ստամբուլի նահանգապետարանը առանց պարզաբանման արգելել է ապրիլի 24–ին հիշատակի սգո միջոցառում անցկացնել։
Հայտարարության մեջ նշվել է, որ Ստամբուլի նահանգապետարանը կովիդի ժամանակ առաջին անգամ արգելեց՝ նշելով վարակի տարածման վտանգը, սակայն դրանից հետ արդեն 6 տարի առանց պարզաբանման արգելում է։
Նշենք, որ 2010–ից մինչեւ 2019–ը ամեն տարի Ստամբուլի Թաքսիմի հրապարակում եւ որոշ այլ վայրերում իրականացվել են 1915–ի զոհվածների հիշատակին նվիրված սգո միջոցառումներ։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ: