UFC-ի թեթև քաշային կարգի դասակարգման երկրորդ համար Արման Ծառուկյանը Ֆիլադելֆիայում (ԱՄՆ) կրկնել է համաշխարհային կինեմատոգրաֆի հայտնի դրվագներից մեկը։
29-ամյա մարտիկը վազելով բարձրացել է Ֆիլադելֆիայի արվեստի թանգարանի աստիճաններով՝ վերարտադրելով ամերիկյան դրամայի՝ հանրահայտ «Ռոքի» ֆիլմի խորհրդանշական տեսարանը։
«Իմ մանկության հերոսը. շնորհակալություն քեզ, Ռոքի», – տեսանյութին կից գրել է Ծառուկյանը։
Սիլվեստր Ստալոնեի գլխավոր դերակատարմամբ և հորինված բռնցքամարտիկ Ռոքի Բալբոայի մասին պատմող ամերիկյան սպորտային դրաման էկրան է բարձրացել 1976 թվականին։