«Հեզբոլլահ» խմբավորման ստորաբաժանումները հրթիռային կրակ են բացել Լիբանանի հարավում՝ կոպտորեն խախտելով հրադադարը:
Այս մասին հայտարարել է Իսրայելի բանակը։
Իսրայելի պաշտպանության բանակի մամուլի ծառայության տվյալներով՝ միջադեպը տեղի է ունեցել Լիբանանի հարավում գտնվող Ռաբ Թալյատին գյուղի մոտակայքում, որտեղ տեղակայված են իսրայելական բանակի ստորաբաժանումներ։
Նրանց ուղղությամբ մի քանի հրթիռ է արձակվել, և իսրայելական կողմի տվյալներով՝ կրակ են բացել «Հեզբոլլահ» խմբավորումները։
«Այս արձակումները հրադադարի համաձայնագրի կոպիտ խախտում են», – հայտարարել է Իսրայելի բանակը։ Ի պատասխան՝ Իսրայելի բանակը հարվածել է հարձակման ժամանակ օգտագործված հրթիռային կայանքին, հավելել է մամուլի ծառայությունը։
Ավելին, Իսրայելի բանակը հայտարարել է, որ հայտնաբերել է անօդաչու թռչող սարքի արձակումը Լիբանանի տարածքից։ Բանակը հայտարարել է, որ անօդաչու թռչող սարքը խափանվել է Իսրայելի օդային տարածք մտնելուց առաջ։