Վրաստանի մայրաքաղաքա Թբիլիսիի քաղաքապատարանը կքննարկ մայրաքաղաքի փողոցներից մեկը հայկական ծագմամբ աշխարհահռչակ ֆրանսիացի շանսոնյե Շառլ Ազնավուրի անվամբ կոչելու հարցը, որը ծնվել է Վրաստանում, տեղեկանում ենք Վրաստանում Հայաստանի դեսպանատնից։
Ըստ հրապարակման՝ հարցը քննարկվել է Վրաստանում ՀՀ դեսպան Աշոտ Սմբատյանի և Վրաստանում Ֆրանսիայի դեսպան Օլիվյե Կուրտոյի՝ Թբիլիսիի քաղաքային խորհրդի նախագահ Զուրաբ Աբաշիձեի հետ հանդիպման ժամանակ։ Վերջինս հայտնել է, որ Թբիլիսիի քաղաքային խորհրդի համապատասխան հանձնաժողովը պատրաստ է քննարկել բարձրացված հարցը։
Դեսպաններն ընդգծել են երկու երկրների սերտ կապերի կարևորությունը Վրաստանի հետ, ինչն ըստ նրանց «անդրադառնում է նաև մայրաքաղաք Թբիլիսիի հետ համագործակցության վրա» ու հույս հայտնել, որ սերտ համագործակցությունը ապագայում է՛լ ավելի կխորանա։
Շառլ Ազնավուրն այս տարի կդառնար 102 տարեկան։ Այդ առթիվ և նրա հարուստ ստեղծագործական ժառանգությունը նշելու համար Երևանում կանցկացվի համերգների և երաժշտական երեկոների շարք՝ նվիրված լեգենդար երգչին։
