21 ապրիլի 2026 – 18:43 AMT
PanARMENIAN.Net – Հունահռոմեական ոճի ըմբիշ Գասպար Տերտերյանը Տիրանայում անցկացվող Եվրոպայի առաջնությունում հաղթել է Ադրբեջանի ներկայացուցիչ Ռուսլան Նուռուլաևին և դուրս եկել կիսաեզրափակիչ,հայտնում է Հայաստանի ըմբշամարտի ֆեդերացիան։
«Գերլարված գոտեմարտում 1-1 հաշվով 72 կգ քաշային Տերտերյանը հաղթել է Նուռուլաևին ու նվաճել կիսաեզրափակիչի ուղեգիր»,- ասվում է հաղորդագրության մեջ:
Կիսաեզրափակիչ է անցել նաև 60 կգ քաշային Սուրեն Աղաջանյանը, որն ընդամենը 1 րոպեում 8։0 հաշվով հաղթել է իր մրցակցին՝ ՌԴ-ն ներկայացնող Սուներ Կոնունովին։