Մեքսիկայի Տեոտիուական հնագիտական վայրում տեղի ունեցած կրակոցների հետևանքով վիրավորների թիվը հասել է 13-ի։
Այս մասին հայտարարել է Մեքսիկայի կառավարության անվտանգության կաբինետը։
Բոլոր վիրավորները, որոնք տարբեր երկրների քաղաքացիներ էին, տեղափոխվել են տարածաշրջանի բժշկական հաստատություններ, որտեղ նրանց անհրաժեշտ օգնություն է ցուցաբերվել։
Մեքսիկական իշխանությունների տվյալներով՝ վիրավորների թվում են զբոսաշրջիկներ Ռուսաստանից, Կոլումբիայից, Կանադայից, Բրազիլիայից և ԱՄՆ-ից։ Վիրավորների տարիքը 6-ից 61 տարեկան է։
Ավելի վաղ Մեքսիկայի անվտանգության կաբինետը հայտարարել էր, որ անհայտ զինված անձը կրակ է բացել Տեոտիուական հնագիտական վայրում, ապա ինքնասպան եղել։ Հարձակման հետևանքով մահացել է կանադայի քաղաքացի։
Մեքսիկայի նախագահ Կլաուդիա Շեյնբաումը հրամայել է մանրակրկիտ հետաքննություն անցկացնել միջադեպի վերաբերյալ և հրամայել է զոհերի և վիրավորների ընտանիքներին տրամադրել անհրաժեշտ ողջ աջակցությունը։