Երևանի ավագանու «Ազգային առաջընթաց» խմբակցության անդամ Իզաբելլա Աբգարյանը դատապարտել է մայրաքաղաքում վարորդների նկատմամբ բռնության դեպքերը։ «Իմ համախոհությունն եմ հայտնում տուժած վարորդներին ու նրանց ընտանիքներին»,- ասել է նա։
Աբգարյանը դիմել է քաղաքացիներին՝ ասելով. «Սա ձև չի»։ Ըստ նրա, վարորդները ծանր գործ են կատարում։ Ըստ նրա, չվճարումների պատճառով տուժում են վարորդները, ինչպես նաև՝ պարտաճանաչ վճարող քաղաքացիները, երբ այդ դեպքերի պատճառով տրանսպորտը սկսել է ավելի ուշ հասնել կանգառ։