Բրազիլիայում ընթացող բռնցքամարտի Աշխարհի գավաթի խաղարկությունում Հայաստանի ներկայացուցիչներ Արթուր Բազեյանն ու Նարեկ Մանասյանը հաղթանակով են սկսել իրենց ելույթները:
Արթուր Բազեյանը մրցավարների միաձայն որոշմամբ առավելության է հասել Արգենտինայի ներկայացուցչի նկատմամբ:
Հայ բռնցքամարտիկը բոլոր ռաունդներում ունեցել է մեծ առավելություն:
Իսկ Նարեկ Մանասյանը վենեսուելացի Վիլմեռ Ռոայի հետ մրցավեճում ի սկզբանե նախաձեռնությունն իր ձեռքն է վերցրել և, գրագետ մենամարտ անցկացնելով, վճռել է հանդիպման ելքը: