Լիբանանի արտաքին գործոց եւ արտերկրի լիբանանցիներու նախարարութիւնը դատապարտեց «Սուրիոյ կայունութեան քայքայման նպատակը հետապնդող եւ ընդհանուր կարգ ու կանոնին վնասելու փորձերը, որոնք Սուրիոյ ներքին գործոց նախարարութիւնը բացայայտեց 19 ապրիլ 2026 թուականին»:
Նախարարութիւնը իր հաղորդագրութեան մէջ զօրակցութիւն յայտնեց Սուրիոյ` շեշտելով, որ «բացարձակապէս կը մերժէ Սուրիոյ անվտանգութեան եւ հողային ամբողջականութեան խաթարման ոեւէ լիբանանցիի մեղսակցութիւնը»:
Նշենք, որ Հըզպալլա մէկ օր առաջ կտրուկ կերպով հերքած էր «Սուրիոյ արտաքին գործոց նախարարութեան Սուրիոյ մէջ Հըզպալլայի առնչուած բջիջի մը ձերբակալման շուրջ հրապարակած պնդումները եւ կեղծ ու շինծու ամբաստանութիւնները»` ընդգծելով, որ «ինչպէս շարունակ յայտարարած է», սուրիական հողերուն մէջ ներկայութիւն չունի, եւ այդտեղ իրեն առնչուած որեւէ տեսակի ու բնոյթի գործունէութիւն չկայ:
Կուսակցութիւնը զարմանք յայտնեց իւրաքանչիւր ապահովական դէպքի մէջ իր անուան ներառումը, որ նկատեց զինք ու իր դերակատարութիւնը վարկաբեկելու փորձ մը, «մինչ իսրայէլացի թշնամին կը դիմակայէ` առ ի պաշտպանութիւն Լիբանանին եւ անոր ժողովուրդին»: