ՀՀ պաշտպանության նախարար Սուրեն Պապիկյանը և Կովկասում և Կենտրոնական Ասիայում ՆԱՏՕ-ի գլխավոր քարտուղարի հատուկ ներկայացուցիչ Քևին Հեմիլթոնը քննարկել են Հայաստան-ՆԱՏՕ համագործակցության օրակարգին վերաբերող հարցերի լայն շրջանակ, հայտնել են ՀՀ ՊՆ-ից։
Մասնավորապես, անդրադարձ է կատարվել գործակցության ներկայիս ընթացքին, արձանագրված արդյունքներին և զարգացման հնարավոր հեռանկարներին։
Գերատեսչությունից հայտնել են, որ հանդիպման ընթացքում կողմերը մտքեր են փոխանակել նաև տարածաշրջանային և միջազգային անվտանգությանն առնչվող խնդիրների շուրջ։ Երկուստեք կարևորվել է կայունության պահպանումը և անվտանգային մարտահրավերների հասցեագրումը։
Երևանում 2025 թվականի սեպտեմբերի կայացած ՆԱՏՕ-ի սեմինարին Պապիկյանը հայտարարել էր, որ Հայաստանը մշտական հիմունքներով համագործակցում է ՆԱՏՕ-ի մի շարք անդամ երկրների հետ՝ բարեփոխումների և բանակի ժամանակակից չափանիշներին համապատասխան կերպափոխման գործընթացի շրջանակներում:
