Իրանը բանակցային խումբ կուղարկի Իսլամաբադ՝ բանակցությունների նոր փուլի համար, մինչև Միացյալ Նահանգների հետ հրադադարի ավարտը, եթե ամերիկացիները դրական ազդանշան տան, «Ալ Ջազիրա»-ին ասել է Իրանի խորհրդարանի ազգային անվտանգության և արտաքին քաղաքականության հանձնաժողովի ղեկավար Էբրահիմ Ազիզին։
«Մենք երբեք չենք վախեցել բանակցությունների սկզբունքից։ Հնարավոր է՝ այսօր կամ վաղը, հետագա գնահատումից հետո, մենք դա հավանական կհամարենք, եթե ամերիկյան բանակցային խումբը և Իրանից ստացված հաղորդագրությունները դրական ազդանշան տան», – ասել է նա։