Ոստիկանությունը ձերբակալել է «Ուժեղ Հայաստան» կուսակցության առաջնորդ, «Տաշիր գրուպի» նախագահ Սամվել Կարապետյանին սատարող ակցիայի 17 մասնակցի
ԵՐԵՎԱՆ, 17 ապրիլի․ /Նովոստի-Արմենիա/․ Ոստիկանությունը ձերբակալել է «Ուժեղ Հայաստան» կուսակցության առաջնորդ, «Տաշիր գրուպի» նախագահ Սամվել Կարապետյանին սատարող ակցիայի 17 մասնակցի:
Կարապետյանին սատարող ակցիան տեղի է ունենում այսօր Հակակոռուպցիոն դատարանի շենքի մոտ, որտեղ դատարանը քննում է նրա գործը:
«Վարչական իրավախախտումների վերաբերյալ ՀՀ օրենսգրքի 182-րդ հոդվածով նախատեսված արարք կատարելու համար 17 անձ ձերբակալվել և տեղափոխվել է Համայնքային ոստիկանության ստորաբաժանումներ», – «Նովոստի Արմենիա» -ին հայտնել է ՆԳ նախարարի մամուլի քարտուղար Նարեկ Սարգսյանը:
Նշենք, որ ակցիայի ընթացքում ոստիկանների և մասնակիցների միջև պարբերաբար քաշքշուկներ են տեղի ունենում, դատարանի շենքի մոտ իրավիճակը լարված է:
