Ուկրաինացի բռնցքամարտիկ Ալեքսանդր Ուսիկը հայտարարել է, որ պատրաստ է կրկին մենամարտել Թայսոն Ֆյուրիի հետ: Այս մասին հաղորդում է Daily Mail-ը։
«Հեյ, ագահ ցմփորիկ, ես պատրաստ եմ», – ասել է Ուսիկը։
Ուսիկը անպարտելի ուկրաինացի պրոֆեսիոնալ բռնցքամարտիկ է, նաև 2012 թվականի օլիմպիական չեմպիոն։
2025 թվականի հուլիսին Համաշխարհային բռնցքամարտի կազմակերպությունը (WBO) առաջարկեց Ուսիկին մենամարտել պարտադիր հավակնորդ նորզելանդացի Ջոզեֆ Փարքերի հետ և նրան տվեց 30 օր բանակցելու համար։ Բռնցքամարտիկի թիմը խնդրեց 90-օրյա հետաձգում՝ մեջքի վնասվածքի պատճառով։ Միևնույն ժամանակ, օգոստոսին սոցիալական ցանցերում հայտնվեց Ուսիկի մասին տեսանյութ, որտեղ նա պարում էր։ Նույն ամսին նա մասնակցեց բարեգործական մենամարտի։ Ուկրաինայի թիմի տվյալներով՝ այս ապացույցներից ոչ մեկը չէր վկայում բռնցքամարտիկի ռինգ դուրս գալու պատրաստ լինելու մասին և չէր հակասում բժշկական առաջարկություններին։ Սեպտեմբերին WBO-ն երկարաձգեց Ուսիկի ժամկետը՝ տիտղոսի պաշտպանության վերաբերյալ բանակցությունների համար։
Նոյեմբերին հայտարարվեց, որ Ուսիկը հրաժարվել է իր WBO տիտղոսից։
Ավելի վաղ Ուսիկը հայտարարել էր Ուկրաինայի նախագահի պաշտոնում առաջադրվելու մտադրության մասին։