ԱՄՆ պաշտպանության նախարար Փիթ Հեգսեթը Պենտագոնում կայացած ճեպազրույցի ժամանակ հայտարարել է, որ պատերազմի մեկնարկից գրեթե յոթ շաբաթ անց Իրանն ի վիճակի չէ վերականգնել իր ռազմական հզորությունը։ Ըստ նախարարի՝ չնայած Թեհրանը շարունակում է տեղաշարժել իր ռազմական միջոցները, սակայն զրկված է կորուստները համալրելու հնարավորությունից։
«Դուք կարող եք տեղաշարժել ձեր ունեցածը, բայց իրականում չեք կարող վերակառուցել այն»,- հայտարարել է Հեգսեթը՝ ուղղակիորեն դիմելով Իրանի ղեկավարությանը։ Նա ընդգծել է, որ իրանական կողմի ցանկացած տեղաշարժ գտնվում է ամերիկյան ուժերի մշտական հսկողության ներքո։
Պենտագոնի ղեկավարը նաև նախազգուշացրել է, որ ԱՄՆ-ն թիրախավորել է Իրանի կարևորագույն ենթակառուցվածքները, այդ թվում՝ էներգետիկ արդյունաբերությունը և էլեկտրաէներգիայի արտադրության կայանները։