Լիբանանյան LBCI հեռուստաալիքի փոխանցմամբ՝ նախագահ Ջոզեֆ Աունը ԱՄՆ պետքարտուղար Մարկո Ռուբիոյի հետ հեռախոսազրույցում վերջնականապես մերժել է Իսրայելի վարչապետ Բենիամին Նեթանյահուի հետ ուղիղ շփման առաջարկը։
Ըստ լրատվամիջոցների՝ միջազգային միջնորդները փորձում էին կազմակերպել եռակողմ հեռախոսազրույց Աունի, Նեթանյահուի և Ռուբիոյի մասնակցությամբ՝ նպատակ ունենալով քննարկել հնարավոր հրադադարը։
Սակայն Բեյրութը շարունակում է որպես նախապայման առաջ քաշել կրակի անհապաղ դադարեցումը, որը նախագահ Աունն անվանել է բանակցությունների «բնական մեկնարկային կետ»։
Իսրայելը, իր հերթին, դեռևս համաձայնություն չի տվել հրադադարին և շարունակում է ռազմական գործողությունները «Հեզբոլլահի» դեմ։