Հորմուզի նեղուցում ԱՄՆ ռազմածովային ուժերի առջև նոր և կենսականորեն կարևոր խնդիր է դրված՝ հայտնաբերել և ոչնչացնել իրանական ծովային ականները, նախքան դրանք համաշխարհային տնտեսությունը կմատնեն էլ ավելի մեծ քաոսի։
Ինչպես հայտնում է «Politico»-ն, չնայած Իրանի ականների պաշարների զգալի կրճատման մասին լուրերին, ամերիկյան հետախուզությունը տվյալներ ունի, որ դրանց մի մասն արդեն տեղադրված է ծովում։
Ներկայումս տարածաշրջանում գտնվում է ավելի քան տասը ամերիկյան ռազմանավ, որոնք ապահովում են ծովային շրջափակումը։ Այս նավերն այժմ իրականացնում են նաև տրալերների (ականակիրների) գործառույթ՝ համակարգելով հայտնաբերման բարդ գործողությունները։
Մարտահրավերն այն է, որ նույնիսկ մաքրված տարածքները կարող են հեշտությամբ նորից ականապատվել իրանական փոքր նավակների կողմից, ինչը, զինվորականների բնորոշմամբ, գործընթացը դարձնում է «աշխատատար և անվերջ»։
Ըստ մասնագետների՝ Իրանն օգտագործում է մի քանի տեսակի ականներ. հատակին տեղադրվող ականներ, որոնք ակտիվանում են նավի անցման ժամանակ, շղթաներով հատակին ամրացված ականներ, որոնք լողում են ջրի մակերևույթից քիչ ներքև, հոսանքի ուղղությամբ տեղաշարժվող լողացող ականներ։