Բրազիլիայի նախագահ Լուիս Ինասիու Լուլա դա Սիլվան բացահայտել է, որ ազգային հավաքականի գլխավոր մարզիչ Կառլո Անչելոտին խորհրդակցել է իր հետ՝ Աշխարհի առաջնությանը Նեյմարին հրավիրելու նպատակահարմարության հարցով։
Երկրի ղեկավարն ընդգծել է, որ աստղային հարձակվողի մասնակցությունը կախված է բացառապես նրա վերաբերմունքից և մարզավիճակից։
Լուլայի խոսքով՝ Նեյմարը պետք է վերանայի իր մոտեցումն աշխատանքին, եթե ցանկանում է կրկին լինել «Սելեսաոյի» կազմում։
«Եթե նա ֆիզիկապես պատրաստ լինի, ապա արժանի է հրավերի։ Բայց եթե նա իրոք ցանկանում է մեկնել Աշխարհի առաջնություն, ապա պետք է լինի իսկական պրոֆեսիոնալ՝ ինչպես Ռոնալդուն կամ Մեսսին»,- հայտարարել է Բրազիլիայի նախագահը։
Քաղաքական գործիչը նաև հավելել է, որ միայն հնչեղ անունը բավարար չէ ազգային թիմում տեղ ունենալու համար, և ֆուտբոլիստը ստիպված է իր կարևորությունն ապացուցել խաղադաշտում։