Ավստրալիայի կառավարությունը մտադիր է առաջիկա տասնամյակում պաշտպանության ծախսերը 38 միլիարդ դոլարով ավելացնել՝ համաշխարհային անվտանգության վատթարացման ֆոնին։ Այս մասին հայտարարել է պաշտպանության նախարար Ռիչարդ Մարլեսը՝ Ավստրալիայի մամուլի ակումբում նոր Ազգային պաշտպանության ռազմավարության ներկայացման ժամանակ։
Նախարարի խոսքով՝ այսօրվա «հիմնական սպառնալիքներով և ռազմական զարգացման միտումներով» պայմանավորված ֆինանսավորման ավելացումը թույլ կտա Ավստրալիային մինչև 2033 թվականը իր պաշտպանության բյուջեն հասցնել ՀՆԱ-ի 3%-ի։
«Ավստրալիան բախվում է Երկրորդ համաշխարհային պատերազմի ավարտից ի վեր ամենաբարդ և վտանգավոր ռազմավարական միջավայրին, և ուժի և ռազմական հարկադրանքի կիրառումը նախկինում սահմանափակող միջազգային նորմերը շարունակում են քայքայվել։ Այս համատեքստում Ավստրալիայի վարչապետ Էնթոնի Ալբանիայի կառավարությունը կօգտագործի բոլոր հասանելի միջոցները՝ պաշտպանական կարողությունները արագ զարգացնելու համար», – ասել է նա՝ նշելով, որ պաշտպանության բյուջեն հաջորդ չորս տարիների ընթացքում կավելանա 10 միլիարդ դոլարով։