Բալանսավորման և բալանսավորված արտաքին քաղաքականությունը ենթադրում է, որ Հայաստանը պետք է լավ հարաբերություններ պահպանի Ռուսաստանի հետ, և Հայաստանը դա անում է. Փաշինյան
ԵՐԵՎԱՆ, 15 ապրիլի․ /Նովոստի–Արմենիա/․ Մենք ՌԴ-ի հետ չենք վիճել, չենք վիճում, չենք վիճելու, հայտարարել է ՀՀ վարչապետ Նիկոլ Փաշինյանը։
Նրա խոսքով՝ բալանսավորման և բալանսավորված արտաքին քաղաքականությունը ենթադրում է, որ Հայաստանը պետք է լավ հարաբերություններ պահպանի Ռուսաստանի հետ, և Հայաստանը դա անում է։
«Ես ՌԴ կատարած իմ վերջին այցը համարում եմ շատ հաջող։ Մենք շատ երկար և մանրամասն քննարկումներ ենք ունեցել և ձեռք ենք բերել այնպիսի ռազմավարական նշանակության պայմանավորվախություններ ՝ ամենատարբեր ոլորտներում համագործակցությունը խորացնելու, որի արտահայտությունը առաջիկայում կտեսնենք», – ասել է Փաշինյանը։
Վարչապետի խոսքով՝ նրանք, ովքեր ուզում են խաթարել Հայաստան-Ռուսաստան բարեկամությունը և եղբայրությունը, պարզապես օտարերկրյա գործակալներ են։
