Զբոսաշրջիկներին տարել են Ստամբուլի Արդարադատության պալատ, որտեղ նրանց ձերբակալել են «բնակչության մի մասին նվաստացնելու» մեղադրանքով։
Հույն զբոսաշրջիկները ձերբակալվել են Սուրբ Սոֆիայի տաճարում «Ուղղափառություն, կամ մահ» կարգախոսով դրոշ և Բյուզանդական կայսրության երկգլխանի արծվի պատկեր պարզելու համար։ Տեղեկացնում է «Եվրանյուզը»․
Անվտանգության տեսախցիկները ֆիքսել են ապրիլի 9-ին Հունաստանից ժամանած զբոսաշրջիկներին՝ որպես ստուգում անցնող տուրիստական խմբի մաս։
Ըստ NTV-ի՝ տաճարի վերին հարկում, որը բաց է այցելուների համար, զբոսաշրջիկները հանել են բյուզանդական երկգլխանի արծվի պատկերով պաստառ և սկսել են լուսանկարել միմյանց։
Երբ նրանք կեցվածք էին ընդունել պաստառի առջև, անվտանգության ուժերը միջամտել են։
Ոստիկանությունը ձերբակալել է 35-ամյա Մազիս Միքայելին և 42-ամյա Կոնստանտինա Մազիին։
Հազար տարի Սուրբ Սոֆիան Բյուզանդական կայսրության գլխավոր քրիստոնեական եկեղեցին է եղել։ Կոստանդնուպոլսի անկումից հետո այն անցավ Օսմանյան կայսրությանը և վերածվեց մզկիթի։ 20-րդ դարում Մուստաֆա Քեմալ Աթաթուրքը Սուրբ Սոֆիան հայտարարեց թանգարան, սակայն ներկայիս Թուրքիայի նախագահ Ռեջեփ Թայիփ Էրդողանը 2020 թվականին չեղյալ հայտարարեց այս որոշումը, և Սուրբ Սոֆիան կրկին վերածվեց մզկիթի։