Անցած ժամվա լուրերը՝ հակիրճ և բովանդակային.
· ԿԸՀ նախագահը երաշխավորել է առաջիկա խորհրդարանական ընտրությունների թափանցիկությունն ու քաղաքացիների կամքի ազատ արտահայտումը: Նա նաև հերքել է նախընտրական շրջանում վարչական ռեսուրսի չարաշահման վերաբերյալ մտահոգությունները։
· Հայաստանը փոխարտգործնախարարի մակարդակով կմասնակցի Մոսկվայում կայանալիք ԱՊՀ արտաքին գործերի նախարարների խորհրդի նիստին: Հանդիպմանը նախատեսվում է քննարկել միջազգային օրակարգի և բազմակողմ համագործակցությանն առնչվող հարցեր։
· Վաշինգտոնում տեղի է ունեցել Իսրայելի և Լիբանանի դեսպանների առաջին ուղիղ հանդիպումը վերջին երեք տասնամյակի ընթացքում: Կողմերը քննարկել են կրակի դադարեցման և հումանիտար ճգնաժամի մեղմման հնարավորությունները։
· ԱՄՆ զինված ուժերը հայտարարել են իրանական նավահանգիստների և ծովային առևտրի ամբողջական շրջափակման մասին: Չնայած սահմանափակումներին, տեղեկություններ են ստացվել Հորմուզի նեղուցով առնվազն երկու նավի անցման վերաբերյալ։
· ԱՄՆ փոխնախագահը հայտնել է Իրանի հետ միջուկային հարցերի շուրջ բանակցություններում արձանագրված դրական տեղաշարժի մասին: Վաշինգտոնը պատրաստակամություն է հայտնել բարելավել հարաբերությունները, եթե Թեհրանը կատարի առաջադրված պայմանները։