«Փաշինյանի խուճապի հերթական դրսևորումը։ Սամվել Կարապետյանից վախեցած Փաշինյանը իրավապահներ է ուղարկել՝ բերման ենթարկելու կրծքով կերակրող, բազմազավակ մորը` Ուժեղ Հայաստան կուսակցության անդամ Գոհար Ղումաշյանին։ Փաշինյան, Հայաստանը չի՛ դառնալու Ադրբեջան»,-նշում են «Ուժեղ Հայաստան» կուսակցությունից։
Հիշեցնենք, որ քիչ առաջ հայտնի դարձավ՝ Հակակոռուպցիոն կոմիտե բերման են ենթարկել «Ուժեղ Հայաստան» կուսակցության առանցքային դեմքերից մեկին՝ Գոհար Ղումաշյանին։
Sputnik–ի տեղեկություններով՝ Գոհար Ղումաշյանը բերման է ենթարկվել բարեգործության արգելքը խախտելու կասկածանքով։