Միացյալ Նահանգները կարող է «նայել դեպի Կուբա» Իրանի հետ հակամարտությունը լուծելուց հետո։
ԱՄՆ նախագահ Դոնալդ Թրամփն այս մասին հայտարարել է Սպիտակ տան դիմաց լրագրողների հետ զրույցում։
«Մենք կզբաղվենք Իրանով և երբ ավարտենք, կարող ենք նայել դեպի Կուբա», – ասել է նա։
Ըստ Թրամփի՝ Կուբան անկման մեջ է տարիների վատ կառավարման պատճառով։
Ամերիկացի առաջնորդը բազմիցս պնդել է, որ Կուբայի կառավարությունն ու տնտեսությունը մոտ են փլուզմանը՝ Վենեսուելայից նավթի մատակարարումների ընդհատումից հետո։
Փետրվարի 27-ին Թրամփը հայտարարել է, որ Միացյալ Նահանգները կարող է բարեկամական վերահսկողություն հաստատել Կուբայի նկատմամբ: