Գիտնականները հայտնում են, որ երկուշաբթի օրը Արեգակի վրա գրանցված հզոր պլազմայի արտանետումը որևէ ազդեցություն չի ունենա Երկրի վրա, քանի որ այն շարժվում է դեպի Վեներա։
Ըստ ստացված տվյալների՝ պլազմայի պայթյունը տեղի է ունեցել Արեգակի աջ եզրային հատվածում։ Հետաքրքիր է, որ Արեգակի հակառակ կողմում գտնվում է ակտիվ շրջան, որը դեռևս ապրիլի 1-ին ուղղված էր դեպի Երկիր։ Այդ օրը համընկնում էր նաև ամերիկյան «Օրիոն» լուսնային տիեզերանավի արձակման հետ։ Թեև այդ ժամանակ վտանգավոր իրադարձություններ չեն գրանցվել, սակայն այդ ակտիվ կենտրոնը ժամանակի ընթացքում կուտակել է բավարար էներգիա՝ նման ուժեղ պայթյուն առաջացնելու համար։
Գիտնականների խոսքով՝ այս անգամ անհանգստանալու պատճառ չկա. «Պլազման այժմ շարժվում է գրեթե ուղիղ դեպի Վեներա, ուստի Երկրի վրա որևէ ազդեցություն չի լինի», – նշել են մասնագետները։