Հունգարիայի Ազգային ժողովի (միապալատ խորհրդարանի) ընտրություններում քվեարկությունը, որը կձևավորի երկրի նոր կառավարությունը, սկսվել է ապրիլի 12-ին, տեղական ժամանակով ժամը 6:00-ին:
Ազգային ընտրական բյուրոյի տվյալներով՝ ընտրատեղամասերը բաց կմնան մինչև ժամը 19:00-ը: Ընտրությունները կանցկացվեն 199 խորհրդարանական տեղի համար, որոնցից 93-ը բաշխվում են կուսակցական ցուցակներով, իսկ 106-ը՝ միամանդատ ընտրատարածքներով:
Իշխող կոալիցիան, որը բաղկացած է «Ֆիդես-Հունգարիայի քաղաքացիական միությունից» և նրա կրտսեր գործընկեր «Քրիստոնեա-դեմոկրատական ժողովրդական կուսակցությունից» (KDNP), մրցակցում է ընդդիմադիր «Տիսա» կուսակցության հետ:
«Ֆիդես»-ը գլխավորում է Հունգարիայի վարչապետ Վիկտոր Օրբանը, իսկ «Տիսան»՝ նախկին կառավարության պաշտոնյա և Եվրախորհրդարանի անդամ Պետեր Մագյարը, որը վայելում է Բրյուսելի աջակցությունը:
Կանխատեսումների համաձայն, մյուս քաղաքական կուսակցություններից միայն Լասլո Տորոչկայի գլխավորած ծայրահեղ աջ «Մեր Հայրենիք» կուսակցությունն ունի 5%-ի շեմը հաղթահարելու և խորհրդարան մտնելու հնարավորություն։