Ապրիլի 12-ին Հունգարիայում խորհրդարանական ընտրություններ են անցկացվում։
Բուդապեշտում ընտրատեղամասերը բացվել են ժամը 6:00-ին: Խորհրդարան մտնելու համար քաղաքական կուսակցությունները պետք է հաղթահարեն 5% շեմը:
Հիմնական մրցակցությունը վարչապետ Վիկտոր Օրբանի ղեկավարած «Ֆիդես» կուսակցության և Պետեր Մադյարի «Տիսա» քաղաքական ուժի միջև է։
Երկրի ներսում ու նրա սահմաններից դուրս ավելի քան ութ միլիոն քաղաքացիներ կընտրեն 199 պատգամավորի։