Մարդիկ կան՝ մտածում են մեր ազգը քնելա, թմբիրի մեջ է, և ինչ ուզեն, կարող են անել։ Այսքան միավորված հայ մարդ տեսնելով՝ ես հասկանում եմ, որ մենք հասնում ենք մեր համախմբման երազանքին։ Այս մասին «Ուժեղ Հայաստան» կուսակցության հանրահավաքի ժամանակ հայտարարել է կուսակցության խորհրդի անդամ Նարեկ Կարապետյանը։
«Մեր երազանքն իրականցնող ու այս ամբողջ աշխարհի փառքը մեր Աստծունն է։ Իսկ մենք գործիքներն ենք աշխարհի ամենահին քրիստոնյա ազգի զարգացումն ապահովելու համար։ Ես գիտեմ, թե ինչ է ձեզ հետ պահում հավատալու մեր ապագա հաջողություններին։ Ձեզ բազմաթիվ անգամներ խոսք են տվել, որ ունենալու եք ամեն ինչ, բայց չեն կատարել այդ խոստումը։ Երբեմն հասկանալով, երբեմն չհասկանալով արել են քայլեր, որոնք թուլացրել են մեր երկիրը։ Բայց քեզ թուլություն չի սազում հայ ազգ, չենք համակերպվելու»,- նշել է Կարապետյանը։
Նրա խոսքով՝ 10 ամիս առաջ չէին կարող պատկերացնել, որ այսօր ազդարարելու են երկրում շրջադարձային փոփոխությունների սկզբի մասին։
«10 ամիս առաջ այն օրը, երբ մենք Սամվել Կարապետյանի հետ այցելեցինք Էջմիածնի Մայր Տաճար, ես ենթադրել անգամ չէի կարող, որ որ կարող ենք այսօր տասնյակ հազարավոր մեր հայրենակիցների հետ այստեղ ազդարարել երկրում շրջադարձային փոփոխությունների սկիզբը։ Մեզ առաջնորդել է նախախանմությունը, և արել ենք ու անում ենք ամեն ինչ, որ բերենք մեզ այդքան անհրաժեշտ փոփոխությունը»,- ընդգծել է Կարապետյանը։