ԱՄՆ նախագահ Դոնալդ Թրամփը պնդում է, որ Իրանը գաղտնի խոստացել է հրաժարվել բոլոր միջուկային զենքերից, բայց հրապարակավ շարունակում է խոսել ուրանը հարստացնելու իր իրավունքի մասին։
«Նրանք մեր դեմքին ասում են, որ ազատվում են իրենց բոլոր միջուկային զենքերից, որ ամեն ինչ վերացվում է։ Եվ հետո նրանք գնում են մամուլի մոտ և ասում. «Ոչ, մենք կցանկանայինք հարստացնել»։ Այնպես որ, կտեսնենք», – ասել է Թրամփը The New York Post-ին տված հարցազրույցում։ Նա հավելել է, որ վստահ չէ, «թե արդյոք նրանք ճշմարտությունն են ասում»։
Ըստ New York Post-ի՝ Իսլամաբադում բանակցությունները կկենտրոնանան ԱՄՆ պահանջների վրա՝ հանձնել մոտ 450 կգ բարձր հարստացված ուրան, լիովին բացել Հորմուզի նեղուցը միջազգային նավագնացության համար, դադարեցնել տարածաշրջանային խմբերի աջակցությունը և ապամոնտաժել (իրանական) բալիստիկ հրթիռների ծրագիրը։ Իրանը, իր հերթին, ձգտում է վերացնել ԱՄՆ պատժամիջոցները: