«Դատարանը միայն օրենք կիրառող է, դատարանն օրենք ստեղծող չի։ Վճռաբեկ դատարանը դուրս է եկել լիազորությունների սահմաններից և օրինասեղծությամբ է զբաղվել, որի իրավունքը բացարձակապես չունի»,- այսօր «Մարտի 1»-ի գործով դատական նիստի ժամանակ ասաց ՀՀ երկրոդ նախագահ Ռոբերտ Քոչարյանը։ «Հիմա մենք այդ հետևանքները փորձում ենք ինչ-որ ձևի կարկատաններով լուծումներ տալ։ Առաջին անգամ Հայաստանի պատմության մեջ հակասահմանադրական ճանաչվեց հոդվածը, որից հետո, Սահմանադրական դատարանից սկսած, հատկապես Վճռաբեկ դատարանը, օրինաստեղծությամբ են զբաղվել և հիմա մենք այդ կարկատանների մեջ ենք»,- նշեց նա։