«Ե՛վ ձեր ներկայացման մեջ, և՛ այստեղ, և՛ մամուլում դուք շատ մեղմ ու կոռեկտ եք արտահայտվում Նիկոլ Փաշինյանի մասին: Ու եթե սուր խոսք է լինում, ուղղված է լինում թիմակիցներից ոմանց… Մի վարկած կա, որ դուք Նիկոլ Փաշինյանի պլան Բ-ն եք, մինչև ինչ-որ մի կետ, երբ դա արդեն իրականությունից կտրվեց: Արյդոք կա նման բան»,- Tete A Tete-ի եթերում դիմելով դերասան, Երևանի նախկին քաղաքապետ, «Նոր ուժ» կուսակցության վարչապետի թեկնածու Հայկ Մարությանին՝ ասաց հաղորդավարը: Մարությանը նշեց, որ նման բան չկա. «Ես երբեք կարմիր գծեր չեմ անցնում: Նկատեցիք, որ այսօր տարբեր մարդկանց մասին խոսելիս ինձ համար կարևոր է, որ ոչ մի վիրավորանք, անձնական բան չլինի ու եթե սուր խոսք ասեմ, հանրային գործունեության հետ կապված կասեմ: Օրինակ թքագեղձերի մասին խոսեցի, բայց դա հանրային արարքի համար եմ ասել»,- հավելեց Մարությանը: