Ձեր հարստության «ոսկե» տարիները Քոչարյանի իշխանության ժամանակ են եղել, Ձեր անունը միշտ Քոչարյանի հետ է կապվել, բայց հիմա ասում եք՝ եթե Ռոբերտ Քոչարյանը ցանկանա վարչապետ դառնալ, չեք սատարի նրան․ կբացատրե՞ք՝ ինչո՞ւ․ «Բարգավաճ Հայաստան» կուսակցության համագումարի և «Առաջարկ Հայաստան»-ի թիմի շնորհանդեսից հետո, լրագրողների հետ ճեպազրույցում այս հարցին ի պատասխան՝ ԲՀԿ նախագահ Գագիկ Ծառուկյանը նշեց․ «Քոչարյանի իշխանության ժամանակ հարաբերություն եղել է, իր եղբայրն իմ գործընկերն է եղել, բայց Ծառուկյանը երբեք ու երբեք իրեն ոչ մի բան թույլ չի տվել․․․»։ Ծառուկյանը՝ պարզաբանեց, որ Քոչարյանին ձայն չի տա, քանի որ «մարդիկ հոգնել են, ուզում են նորություն, նորը պետք է լինի։ Ինքն իրենն արել է, արդեն թող ինքը հանգստանա, նոր դեմքեր լինեն»։