Գերմանիայի կանցլեր Ֆրիդրիխ Մերցը հեռախոսազրույց է ունեցել Պակիստանի վարչապետ Շահբազ Շարիֆի հետ, որի ընթացքում նրանք քննարկել են Մերձավոր Արևելքում տիրող իրավիճակը։ Այս մասին լրագրողներին հայտնել է Գերմանիայի կաբինետի խոսնակ Սեբաստիան Հիլլեն։
«Գերմանիայի կանցլերը շնորհակալություն է հայտնել վարչապետին ԱՄՆ-ի և Իրանի միջև հրադադարի համաձայնագրի հասնելու միջնորդական ջանքերի համար։ Կողմերը մտքեր են փոխանակել Մերձավոր Արևելքում տիրող իրավիճակի վերաբերյալ և համաձայնել, որ պատերազմի կայուն ավարտը հնարավոր է միայն դիվանագիտական միջոցներով», – նշել է Հիլլեն։
Ավելին, նա հավելել է, որ երկու կողմերը վերահաստատել են Գերմանիայի և Պակիստանի միջև բարեկամական հարաբերությունները խորացնելու փոխադարձ ցանկությունը։