Ռուս տիեզերագնաց Աննա Կիկինան կարծում է, որ ապագայում տիեզերական զբոսաշրջությունն անպայման զարգանալու է և աստիճանաբար ավելի հասանելի է դառնալու մարդկանց համար։
«Տուրիզմը և, ընդհանրապես, տիեզերքը շարունակելու են զարգանալ։ Դա անխուսափելի է»,-նշել է Կիկինան։ Տիեզերագնացի խոսքով՝ առաջիկա տարիներին հրթիռների քանակը կավելանա, իսկ տիեզերք իրականացվող թռիչքներն ավելի մատչելի կդառնան։
2022 թվականին Կիկինան դարձել է առաջին ռուս տիեզերագնացը, որն ամերիկյան Crew Dragon տիեզերանավով թռիչք է կատարել դեպի International Space Station։ Այժմ նա պատրաստվում է նոր առաքելության՝ ս․թ․ ամռանը թռչելով ռուսական «Սոյուզ» տիեզերանավով։