Հորմուզի նեղուցում նավարկության անվտանգությունն ուղղակիորեն կախված է Միացյալ Նահանգների կողմից հրադադարի համաձայնագրով ստանձնած պարտավորությունների կատարումից։ Իրանի արտաքին գործերի նախարար Աբբաս Արաղչին այս մասին հայտարարել է իր ռուս գործընկեր Սերգեյ Լավրովի հետ հեռախոսազրույցի ժամանակ։
«Այս ջրային ճանապարհով անվտանգ նավարկությունը հնարավոր կլինի հաստատված հրահանգների հիման վրա, Իրանի զինված ուժերի հետ համակարգված, նշանակված երթուղիներով և գործող տեխնիկական միջոցառումների պահպանմամբ՝ պայմանով, որ ամերիկյան կողմը կատարի իր պարտավորությունները», – Իրանի արտաքին գործերի նախարարության Telegram ալիքը մեջբերում է իրանցի նախարարի խոսքերը։