Ապրիլի 9-ին իրանական կողմի նախաձեռնությամբ, հեռախոսազրույց է տեղի ունեցել Ռուսաստանի արտաքին գործերի նախարար Սերգեյ Լավրովի և Իրանի արտաքին գործերի նախարար Աբբաս Արաղչիի միջև, հայտնում է ՌԴ ԱԳՆ-ն։
Ռուսական կողմը ողջունել է ԱՄՆ-ի և Իրանի միջև երկշաբաթյա ռազմական գործողությունների դադարեցման և այդ համաձայնագրերին Իսրայելի միանալու վերաբերյալ հայտարարությունը։ Ընդգծվել է, որ Մոսկվան վճռականորեն համոզված է, որ պակիստանցի միջնորդների կողմից հայտարարված այս համաձայնագրերը տարածաշրջանային ուղղվածություն ունեն և, մասնավորապես, վերաբերում են նաև Լիբանանին։
Սերգեյ Լավրովը հույս է հայտնել բանակցային գործընթացի հաջողության վերաբերյալ և հաստատել է Ռուսաստանի պատրաստակամությունը՝ օգնելու գտնել լուծումներ, որոնք կհաղթահարեն Իրանում հակամարտության հետևանքով առաջացած խնդիրները և կապահովեն տարածաշրջանում երկարատև խաղաղություն ու կայուն անվտանգություն։
Արաղչին շնորհակալություն է հայտնել Ռուսաստանի Դաշնությանը ՄԱԿ-ի Անվտանգության խորհրդում Պարսից ծոցի իրավիճակի քննարկման ժամանակ ՌԴ սկզբունքային դիրքորոշման համար: